Kliniki Tibbi Mərkəzə zəhərlənmə ilə bağlı daxil olan müraciətlərin sayı açıqlanıb. Bu haqda bu gün, 8 yanvar tarixində Bakuplus.az tibb müəssisəsinə istinadən xəbər verir.
2023-cü ilin dekabr ayında Kliniki Tibbi Mərkəzin (KTM) Toksikologiya şöbəsinə zəhərlənmə ilə bağlı 123 nəfər qəbul edilib. Onlardan 54-ü kişi, 49-u qadın, 20-si isə uşaq olub.
Xəstələrdən 52-si dərmandan, 33-ü sirkə turşusundan, 9-u etanoldan, 1 nəfər göbələkdən, 19-u isə dəm qazından zəhərləniblər. Daha 2 nəfər allergik reaksiya, 6 nəfər botulizm, 1 nəfər anafilaksiya səbəbindən xəstəxanaya yerləşdiriliblər.
Zəhərlənən şəxslərdən 3-ü sirkə turşusu səbəbindən dünyasını dəyişib.
