25 sentyabr tarixində Bakı şəhərində 550 küçə dezinfeksiya olunub. Dezinfeksiya işləri Bakı Şəhər İcra Hakimiyyətinin strukturları tərəfindən həyata keçirilib. Bu haqda "Report" Bakı Şəhər İcra Hakimiyyətinin Mətbuat Xidmətinə istinadın xəbər verib.
"Vətəndaşlarımızdan bir daha xahiş edirik ki, pandemiyadan xilas olunmaq üçün ilk növbədə peyvənd olunsunlar, özlərinin, yaxınlarının, ətraflarındakı insanların qorunması, xəstəliyin daha çox yayılmasına imkan verilməməsi üçün tibbi-profilaktiki qaydalara ciddi riayət etsinlər", - qurumdan bildirilib.
25 sentyabr 2021-ci il tarixinə olan məlumata əsasən son sutka ərzində ölkə ərazisində COVİD-19 infeksiyasına 1099 yoluxma qeydə alınıb. 2404 nəfər sağalıb, 18 nəfər vəfat edib. Aktiv xəstə sayı 24.334 nəfərdir.
