Bakıda Hitlerin generalının avtomobili fantastik qiymətə satılır. Bu haqda bu gün, 20 yanvar tarixində Bakuplus.az Avtosfer.az saytına istinadən xəbər verir.
Belə ki, Turbo.az avtomobil satışı saytında 1939-cu ilin “Mercedes 170V” markalı avtomobili satışa çıxarılıb. Nəqliyyat vasitəsinə fantastik - 1 milyon 445 min AZN qiymət qoyulub.
Avtomobil sahibi Teymur Məmmədovun sözlərinə görə, maşın bir zamanlar Adolf Hitlerin generallarından birinə məxsus olub. O, bu avtomobili qohumu Heydər Əhədovun oğlundan alıb. İndi isə nəqliyyat vasitəsinə lazımi qulluq edə bilmədiyindən satmaq qərarına gəlib.
Avtomobildən ölkəmizdə cəmi 1 ədəddir, bir neçə dəfə retro maşın kimi kliplərə çəkilib, eləcə də Berlində keçirilən Beynəlxalq avtomobil və motosiklet sərgisində təqdim edilib.
“Mercedes 170V” markalı avtomobil 1936-1942-ci illərdə cəmi 75.000 ədəd istehsal edilmişdir.
[URIS id=87641]
