Bakıda ümumi təhsil müəssisələrinin şagirdləri arasında II Elm Olimpiadası keçiriləcək. Bu haqda bu gün, 1 fevral tarixində Bakuplus.az Report-a istinadən xəbər verir.
Ümummilli Lider Heydər Əliyevin 100 illik yubileyi münasibətilə keçirilən olimpiadanın əsas məqsədi şagirdlərin təbiət elmlərinə (fizika, kimya, biologiya) olan marağını daha da artırmaq və istedadlı şagirdləri aşkar etməkdir.
Olimpiada 8-ci və 9-cu sinif şagirdləri arasında keçiriləcək. İştirak etmək üçün 5 fevral 2023-cü il tarixinə qədər qeydiyyatdan keçmək lazımdir.
Ən yüksək nəticə göstərən 24 komanda olimpiadanın final mərhələsində iştirak üçün vəsiqə qazanacaq.
