“20 Yanvar” dairəsində avtobus sürücüsü və sərnişin arasında mübahisə yaranıb. Bu haqda bu gün, 23 yanvar tarixində Bakuplus.az sosial şəbəkələrə istinadən xəbər verir.
Adıçəkilən ərazidə, yolun ortasında “99 LZ 861” Dövlət qeydiyyat nişanlı sərnişin avtobusunun sürücüsü və sərnişini arasında mübahisə yaranıb. Nəticədə onlar nəqliyyat vasitəsindən düşərək küçədə mübahisə etməyə davam ediblər.
Məlum olub ki, avtobus “Çinar-Trans” MMC-yə məxsus olub. Daşıyıcı şirkətin rəhbəri İsmayıl Hüseynov bildirib ki, Bakı Nəqliyyat Agentliyindən ona artıq məlumat verilib.
“Videoda görünən sürücü Rövşən Abbasov xətdə idi. Onu başqa sürücü əvəzləyəcək. Mən isə onu dəvət etmişəm və hadisə ilə bağlı danışıb qərar verəcəyik", - deyə o, əlavə edib.
