Bakıda oktyabrın 26-da “Baku Fintech Forum 2023” baş tutacaq. Bu haqda bu gün, 30 sentyabr tarixində Bakuplus.az Azertac-a istinadən xəbər verir.
Tədbirdə yerli və beynəlxalq maliyyə texnologiyaları liderləri bu sahənin son trendləri, yenilikləri haqqında danışıqlar aparacaqlar. Həmçinin forum müddətində onlar maliyyə texnologiyaları sahəsinin gələcəyi, maliyyə sektorundakı təsirləri haqqında müzakirələr aparacaqlar.
Forumda 300-dən çox sahə üzrə yerli və xarici qonaqlar iştirak edəcək.
“Baku Fintech Forum 2023” çərçivəsində “Fintek ekosistemi – gələcəyə baxış”, “Maliyyə sektorunda hüquq və əməkdaşlıq”, “Fintek sahəsinə yatırımlar imkanı”, “Fintek startaplarının inkişafı”, “Rəqəmsal bank sistemi” mövzularında panel sessiyaları keçiriləcək.
Forum İnnovasiya və Rəqəmsal İnkişaf Agentliyi, Mərkəzi Bank və Azərbaycan Fintex Assosiasiyasının təşkilatçılığı ilə baş tutacaq.
