Bakıda və ölkə ərazisində ümumilikdə 10 ali təhsil müəssisəsi üzrə akkreditasiya qiymətləndirilməsinin yeni tədris ilində keçirilməsi nəzərdə tutulur. Bu haqda bu gün, 6 sentyabr tarixində elm və təhsil naziri Emin Əmrullayev keçirdiyi brifinqdə deyib.
Bakıda yoxlamalar Bakı Mühəndislik Universiteti (BMU), ADA Universiteti, Tibb Universiteti, Azərbaycan Dövlət Neft və Sənaye Universiteti (ADNSU), Qərbi Kaspi, Bakı Biznes universitetləri, Azərbaycan Turizm və Menecment Universiteti və Azərbaycan Dövlət Mədəniyyət və İncəsənət Universitetində aparılacaq.
