Paytaxtın dənizkənarı bulvarında ilanlar peyda olub. Bu haqda bu gün, 23 aprel tarixində Bakuplus.az ATV-yə istinadən xəbər verir.
Şəhərdə havalar isindikdən sonra bulvar ərazisində ilanlar üzə çıxmağa başlayıb. Bu da vətəndaşların narahatlığına səbəb olur.
Belə ki, sürünənləri şəhərin mərkəzində, insanların istirahət etdikləri ərazilərdə çoxlu sayda görmək olur.
Dənizkənarı ərazilərdə olan ilanlar insanlar üçün nə qədər təhlükəlidir?
Zoologiya İnstitutunun əməkdaşı Təvəkkül İsgəndərov bildirib ki, dənizkənarı bulvar ərazisində dolaşan ilanlar isinmək üçün üzə çıxıblar. Su ilanları insan üçün təhlükə yaratmır.
Ölkədə 2 cür su ilanı var. Bunlar dənizdə və çaylarda yaşayan ilanlardır. Hər 2 növ insan həyatı üçün təhlükəsizdir. Sadəcə insanlara bir qədər diqqətli olmaq tövsiyə edilir.
İnsanların sıx olduqları ərazilərdən ilanları uzaqlaşdırmaq mümkündürmü?
“Biz səs-küylə gediriksə, ilan bizim yaxınlaşacağımızı 2 metrdən hiss edir. Ona görə də bizdən qabaq o, çəkilib gedəcək”, – deyə T.İsgəndərov qeyd edib.
