Bakıda yeni ekoloji layihə başlayıb. Könüllülər yararsız batareyaları toplanması üçün məntəqələri müəyyən ediblər. Bu baradə məlumat Ecofront ekoaktivist qrupu öz səhifəsində paylaşıb.
İstifadə edilən batareyalar komanda tərəfindən toplanaraq zərərsizləşdirilməsi üçün təhlükəli tullantılar poliqonuna təhvil veriləcək.
Aşağıda sadalanan 8 məntəqəyə yaxınlaşıb istifadə olunmuş batareyaları təhvil verə bilərsiniz:
Coffee Moffie
W_Space
Salaam Cinema Baku
Dərviş Bakı
Emalatxana
Flora Hostel Baku
İçərişəhər - Bookhouse & Cafe
Novella kitab evi
Layihənin inkişafı üçün bakılılar dəstək göstərə bilərlər:
Təyin olunmuş toplama məntəqəsinə təhvil vermədən əvvəl istifadə edilmiş batareyaları necə saxlamaq olar?
Əlbəttə ki, batareyaları 10-20 və ya daha çox sayda təhvil vermək məsləhət görülür. Əsas odur ki, onları saxlamaq üçün doğru vasitələrdən istifadə etmək lazımdır. Yararsız elementləri metal qablarda saxlamaq olmaz, çünki onlar sızıb korroziyaya səbəb ola bilər və torpağa nüfuz edə bilər.
Batareyaları atmaq üçün plastik qabdan istifadə edilməlidir. Hər hansı plastik qida və ya qeyri-ərzaq qab uyğundur. Batareyalar təhvil verilənə qədər qapalı bir qabda saxlanılır.
