Bakının Bayıl qəsəbəsinin Əlibəyov Qardaşları 10/12 ünvanındakı ağaclıq ərazidə yaşayan Fuad adlı şəxs günlərdir uzandığı yerdən qalxa da bilmir. Bu haqda bu gün, 20 iyul tarixində Bakuplus.az Qafqazinfo-ya istinadən məlumat verir.
Verilən məlumata görə, kişinin səhhətində ciddi problemləri var. Ətraf sakinlər dəfələrlə aidiyyəti qurumlara müraciət etsələr də, ona yardım göstərilməyib. Yerli sakinlərin sözlərinə görə, gələn nümayəndələr ondan pis qoxu gəldiyi üçün kömək edə bilməyəcəklərini bildiriblər. Onlar vətəndaşı xəstəxanaya aparsalar, onda olan infeksion xəstəliklərin digər xəstələrə də yoluxa biləcəyini əsas gətiriblər.
Sosial Xidmətlər Agentliyinin rəsmisi Murad Həşimov bildirib ki, məsələ araşdırılacaq, ictimaiyyətə əlavə məlumat veriləcək.
Daxili İşlər Nazirliyindən əlavə olunub ki, kişinin yeri müəyyən edilib, onun qısa zamanda sığınacağa yerləşdirilməsi təmin olunacaq.
