24 sentyabr tarixində Bakıda Milli Xalça Muzeyi mühazirə keçiriləcək. Bu barədə Azərbaycan Milli Xalça Muzeyinin mətbuat xidməti məlumat yayıb. Mühazirə saat 16:00-da başlayacaq.
Tədbir “Bir eksponatın tarixi” layihəsində muzeyin “Parça, geyim, tikmə” kolleksiyasının ən qədim eksponatı olan XII –XIII əsrlərə aid Xaraba Gilandan tapılan parça fraqmentinin tarixinə həsr olunacaq.
Mühazirə AMEA Arxeologiya və Etnoqrafiya İnstitutu, Arxeoloji irsin tarixi və nəzəriyyəsi şöbəsinin müdiri, tarix üzrə fəlsəfə doktoru Bəhlul İbrahimli tərəfindən Azərbaycan dilində təqdim olunacaq.
Karantin qaydalarına əsasən mühazirədə 10 nəfər iştirak edə bilər. Bunu nəzərə alaraq, qeydiyyatdan keçməyiniz xahiş olunur.
