16 sentyabr tarixində Bakıda səyyah Emil Xəlilovla görüş təşkil olunacaq. Tədbir Bakı Küçə Fotoqrafiyası Festivalının təşkilatçılığı ilə Bakı Fotoqrafiya Evində saat 19:00-da başlayacaq.
Görüşdə səyyah-fotoqraf illərlə fotoekspedisiyalarda topladığı təcrübəsini iştirakçılarla bölüşəcək və yaranan sualları cavablandıracaq. Tədbir rus dilində keçiriləcək.
Fotoqrafın yaradıcılıq səfərlərinin coğrafiyası ucqar dağ kəndi Xınalıqdan tutmuş Katmanduya (Nepal) qədər müxtəlif əraziləri əhatə edir.
Mövcud məhdudiyyətlər və qonaqların təhlükəsizliyi məqsədilə 15 nəfər iştirakçı qəbul olunacaq.
İştirak üçün qeydiyyatdan keçmək vacibdir.
Həmçinin görüşün canlı yayımını Zoom vasitəsilə və festivalın YouTube kanalında izləyə bilərsiniz.
