Bakıda yaşayış binasının yeraltı qarajına olan giriş bağlanıb. Bu haqda 1news.az xəbər verib.
Paytaxtın Yasamal rayonu, Bəsti Bağırova küçəsində aparılan abadlıq işləri çərçivəsində səkilər təmir olunub. Lakin təmir zamanı küçədən məhəllələrə avtomobillərin girişində məhdudiyyət yaranıb.
Belə ki, həmin girişlərin qarşısında piyadaların hərəkəti üçün səkilər inşa olunub, bördürlər qoyulub.
Binaların yeraltı qarajları, hətta darvazanın qarşısında şlaqbaumun olması işçilərin qarşısını ala bilməyib.
Bakı Nəqliyyat Agentliyinin rəsmisi Mais Ağayev bildirib ki, piyadalar kimi avtomobillərin də təhlükəsiz hərəkəti və məhəllələrə giriş-çıxışı təmin olunacaq.
[URIS id=33510]
