Bakıda taksi kimi işləyənlərin cəmi beşdə birində lisenziya var. Bu haqda bu gün, 9 dekabr tarixində Bakuplus.az Report-a istinadən xəbər verir.
Rəqəmsal inkişaf və nəqliyyat nazirinin müavini Rəhman Hümmətov bildirib ki, Bakıda fəaliyyət götərən taksilərin cəmi 20%-də lisenziya var.
“Əsas problemlərdən biri həm avtomobillərin, həm də sürücülərin tələb edilən normalara cavab verməməsidir. İndiyə qədər Azərbaycanda 1300-dən çox sürücü beynəlxalq təlim proqramlarına cəlb edilib. Gələn ilin aprel ayına qədər bu rəqəmin 8000-ə çatdırılması planlaşdırılır”, - deyə Hümmətov əlavə edib.
