17 sentyabr tarixində Bakıda uşaqlar üçün ödənişsiz "Oyun yaradılması" adlı master-klass keçiriləcək. Dərs STEP IT Academy tərəfindən təşkil olunacaq və orada təhsil almayan tələbələr üçün nəzərdə tutulub.
Master-klassda 10-14 yaş arası uşaqların iştirak etmək imkanı olacaq və onlar öz oyunlarını yarada biləcəklər. Onlar birlikdə ssenari düşünüb və öz düşüncələrini Construct 2 proqramı vasitəsi ilə həyata keçirəcəklər.
Təlimçi qismində aparıcı mütəxəssis Natiq Əliyev iştirak edəcək və dərs 2 saat davam edəcək.
Dərs proqramı:
Oyunun ssenarisinin hazırlanması;
Oyun mühərriklərinin imkanları - Construct 2 proqramı;
Oyun məkanının hazırlanması;
Oyunun logistikasının hazırlanması;
Baş qəhrəmanın hərəkətlərinin düşünülməsi.
Master-klass çərçivəsində akademiya üzrə individual ekskursiya da keçiriləcək.
