Bakıda bir sıra şadlıq sarayları cərimələnib. Bu haqda bu gün, 24 aprel tarixində Bakuplus.az Dövlət Ekoloji Təhlükəsizlik Xidmətinə istinadən xəbər verir.
Son 10 gün ərzində keçirilən monitorinqlər və səyyar laboratoriya vasitəsilə aparılan ölçmə işləri zamanı Bakı şəhərində fəaliyyət göstərən “Neptun”, “Meridian Park”, “Leyla Palace”, “Kaman House”, “İmperial”, “Gold Baku”, “Qala Qapısı”, “Köhnə Ciyərxana”, “Fontan”, “Cənnət Gəncə” ictimai-iaşə obyektləri və restoranlarından havaya atılan tullantıların miqdarının normadan artıq olduğu müəyyən edilib.
Həmçinin Xətai rayonunun Lütfizadə küçəsində fəaliyyət göstərən “Kremlin Hall" şadlıq sarayında da yoxlamalar aparılıb və obyektdə nöqsanlar aşkarlanıb.
Aşkar olunan bütün faktlarla bağlı sahibkarlar məsuliyyətə cəlb olunublar.
