Bakının Suraxanı rayonu, Günəşli qəsəbəsinin sakinləri 50 saylı avtobusun sürücüsündən narazıdırlar. Bu haqda bu gün, 26 iyun tarixində Bakuplus.az Avtosfer-ə istinadən məlumat verir.
Gündəlik olaraq istifadə edilən avtobusun 40-45 dəqiqə gecikmə ilə hərəkət etdiyi qeyd olunur. Həmçinin sakinlərin iddialarına görə, sürücü sərnişinlərlə kobud rəftar edir.
Avtobusda “BakıKart” ödəniş aparatı quraşdırılsa da, işləmir. Sürücü də sərnişinlərdən nağd ödəniş tələb edir. Bunu etmədikdə onların avtobusdan enmələrini istəyir.
Videogörüntülərədə bəzi sərnişinlər ödənişi nağd formada sürücünün arxasında əyləşən şəxsə edirlər.
