Bakılı ravvin Zamir İsayev yenidən Ermənistan yəhudilərinə müraciət edib. Azərbaycanın iblisləşdirilməsinə və onun düşmənlərinin Holokost mövzusundan istifadə etməsinə qarşı kampaniyanın təşəbbüskarı olan İsayev bu barədə öz Facebook səhifəsində paylaşım edib. Bu haqda bu gün, 6 oktyabr tarixində Bakuplus.az məlumat verir.
"Bir neçə həftə əvvəl mən xəbərdarlıq etmişdim ki, Ermənistanda qalmaq yəhudilər üçün təhlükəlidir. İsrailin Diaspor Nazirliyi keçən ay iki dəfə yəhudilərə qarşı zorakılıq ehtimalını qeyd edib", – deyə İsayev yazıb.
Onun sözlərinə görə, erməni rəsmiləri və ictimai xadimlərinin antisemit və anti-İsrail ritorikası sinaqoqun hücumuna səbəb olub, çünki “nifrət nitqi zorakılığa səbəb olur”.
İsayev bir daha yəhudiləri çox gec olmadan Ermənistanı tərk etməyə çağırıb və bir daha onlara kömək etməyə hazır olduğunu bildirib.
