Bakıda Vətən müharibəsində şəhid olan Samir Əliyevin büstünün açılışı keçirilib. Mərasim 55 saylı tam orta məktəbdə keçirilib. Bu haqda bu gün, 28 sentyabr tarixində Report xəbər verib.
Açılışda Xətai Rayon İcra Hakimiyyətinin nümayəndəsi, məktəbin müəllimləri və şagirdləri, ailə üzvləri, hərbi yoldaşları iştirak edib.
Leytenant Samir Əliyev 9 avqust 1999-ci ildə Bakıda anadan olmuşdur. Vətən müharibəsi zamanı 29 sentyabr tarixində Suqovuşan döyüşlərində yaralı olaraq düşmənin canlı qüvvəsini məhv edib, tankını geri çəkilməyə məcbur edib. Həmin döyüşdə qəhrəmancasına şəhid olub. 2 saylı Fəxri Xiyabanda dəfn olunub.
