Bakıdakı 219 nömrəli evdə təhsil tam orta məktəbinin tarix müəllimi Sevinc Novruzova İctimai Televiziyada yayımlanan “Milyonların şousu”nda iştirak edərək 8000 manat qazanıb. Bu haqda bu gün, 18 yanvar tarixində Bakuplus.az məlumat verir.
12-ci suala çatan müəllim düzgün cavab verməklə göstərilən məbləği alıb.
O, qazandığı pulu iki övladının və maddi imkanı zəif olan bir ailənin qızının təhsilinə xərcləyəcəyini bildirib.
12-ci sual “Hansı ixtiraçını “Menloparklı sehrbaz” adlandırırlar?” idi. İştirakçı tamaşaçıların köməyi ilə suala düzgün cavab verib. Bundan sonra Novruzova oyunu dayandırıb və qazandığı məbləğlə şounu tərk edib.
