Bakı metropolitenində gücləndirilmiş iş rejimi tətbiq olunacaq. Bu haqda bu gün, 5 mart tarixində Bakuplus.az APA-ya istinadən xəbər verir.
“Qarabağ” FK və Almaniyanın “Bayer” komandaları arasında UEFA Avropa Liqasının 1/8 final mərhələsi çərçivəsində keçiriləcək oyunla əlaqədar Tofiq Bəhramov adına Respublika stadionunda qarşılaşmanı canlı izləyən azarkeşlərin daşınması məqsədilə metropolitenin iş rejimində müvafiq dəyişiklik edilib.
Metropoliten martın 8-nə keçən gecə saat 01:00-a qədər sərnişinlərin girişi üçün açıq olacaq.
“Qarabağ” – “Bayer” oyunu martın 7-də saat 21:45-də başlayacaq.
