Bakı Metropolitenində bayram proqramı təşkil olunub. Bu haqda bu gün, 30 dekabr tarixində Bakuplus.az Report-a istinadən xəbər verir.
Dünya Azərbaycanlılarının Həmrəyliyi Günü və Yeni il münasibətilə “İçərişəhər” stansiyasının sərnişinlərinə şənlik keçirilib.
Bundan əlavə, stansiyada dünya xalqlarının Yeni il ənənələri və qəhrəmanlarına həsr edilmiş sərgi başlanıb, eləcə də retro vaqonlardan ibarət qatar nümayiş olunur.
2 saatdan artıq davam edən zəngin proqramlı şouda müxtəlif nağıl personajları və sirk ustaları məharətlərini göstəriblər. Bəhram Bağırzadə isə uşaqlar üçün qələmə aldığı kitablarının imza gününü keçirib.
30-31 dekabr tarixlərində 4 stansiyada muğam üçlüyü və simli kvartetin təqdimatında milli və dünya musiqisinin incilərindən ibarət konsert proqramları keçiriləcək.
