Bakının bir hissəsində qaz kəsiləcək. Bu haqda bu gün, 5 oktyabr tarixində Bakuplus.az “Azəriqaz”a istinadən xəbər verir.
Yüksəktəzyiqli magistral qaz kəmərinin yeni qaz nəqli sisteminə birləşdirilməsi ilə bağlı bir sıra ərazilərdə 6 oktyabr saat 08:00-dan etibarən qaz olmayacaq.
Təmir işləri aparılan müddətdə Yasamal rayonu, Yeni Yasamal yaşayış massivində 15.000 istehlakçının, Binəqədi rayonu, 6, 8, 9-cu mikrorayonlar və 7-ci mikrorayonun bir hissəsində 27.664, Rəsulzadə qəsəbəsi və Binəqədi yolu ərazisində 9433, Xutor qəsəbəsi, Vorovski yaşayış massivində 7726, eləcə də Biləcəri qəsəbəsinin bir hissəsində, Natavan, Qabil Süleymanov, Rəşid İsmayılov, Yəhya Hüseynov, Şevçenko və Tolstoy küçələri ətrafında 8440 istehlakçının qazı olmayacaq.
Həmçinin Sulutəpə qəsəbəsi, Xocasən qəsəbəsi, Çiçək yaşayış massivi və Motodrom yaşayış massivi ərazisində 11.959 istehlakçıya qazın verilişi dayandırılacaq.
Bundan əlavə, Nəsimi rayonu, 1, 2, 3, 4-cü mikrorayonlar, 1 və 2-ci Alatava, 20 Yanvar, A.Məhərrəmov, H.Əliyev prospektində 40.000 abonentin qaz təchizatında fasilə yaranacaq.
Məhdudiyyət gün ərzində davam edəcək.
