Sabah, 23 iyul tarixində "Zabrat-Buzovna-Türkan" yüksək təzyiqli magistral qaz kəmərində təmir işləri nəzərdə tutulub. Bu səbəbdən bəzi ünvanlarda qaz olmayacaq. Bu haqda bu gün, 22 iyul tarixində Bakuplus.az Azəriqaz-a istinadən məlumat verir.
Məhdudlaşdırılmalar saat 09:00-dan işlər başa çatanadək müşahidə olunacaq.
Qaz təchizatı dayandırılan müddətdə Maştağa qəsəbəsi, Mehdi Hüseynzadə küçəsinin Kanal qırağı ərazisi, "Maştağa-Gülçülük" yaşayış massivi, Daş karxanası və Subtropik sovxoz ərazisi, Maştağa Albalılıq bağ massivində 25000 istehlakçının, Xəzər rayonunun Buzovna qəsəbəsi, Albalılıq yaşayış massivi, Atçılıq yaşayış massivində 8000 istehlakçının qaz təchizatında fasilə yaranacaqdır.
