Suraxanı rayonunda yüzlərlə sakin bir həftədir ki, su üzünə həsrət qalıb.
Bülbülə qəsəbəsi Samir əliyev küçəsinin sakinləri günlərdir susuz qaldıqlarını deyirlər. Sakinlər istəyir ki, suyun verilməsində günlərlə problem yaşanacaqsa öncədən onlara məlumat verilsin.
Bakuplus.az Xezerxeber-ə istinadən xəbər verir ki, Məsələ ilə bağlı İri Şəhərlərin Birləşmiş Su Təchizatı Xidməti açıqlama verib. Xidmətdən bildirilib ki, problemin səbəbi Oğuz-Qəbələ-Bakı su kəmərində baş verən qəzadır. Bu səbəbdən bir neçə gün paytaxtın 11 rayonuna suyun verilməsində fasilələr yaranıb. Hazırda qəza ilə əlaqədar aparılan təmir-bərpa işləri başa çatıb. Su kəmərinin doldurulması prosesinə başlanılıb. Normativ qaydalara uyğun olaraq suyun əvvəlki rejimlə bərpası istiqamətində intensiv işlər görülür.
