Oktyabrın 1-dən 31-dək Qarabağ Dirçəliş Fondunun təşkilatçılığı ilə Gənclik Mall, Port Baku Mall və Dəniz Mall-da "Qarabağda Urbisid" mövzusunda fotosərgi keçiriləcək. Bu haqda məlumat Fondun saytında yayılıb.
Təqdim olunan fotoşəkillərdə təxminən 30 illik işğal dövründə ermənilərin Qarabağın zəngin torpağının biomüxtəlifliyinə və təbii sərvətlərinə vurduğu ziyanın miqyası əks olunur.
Sərgi həftənin 7 günü saat 10:00-dan 22:00-dək fəaliyyat göstərəcək.
Sərgiyə "Bir" gənclər ictimai birliyinin könüllüləri də cəlb olunublar. Könüllər gün ərzində ziyarətçilərə həm fotoşəkillər haqqında məlumat verəcək, həm də ümumiyyətlə Qarabağ Dirçəliş Fondunun fəaliyyəti barədə danışacaqlar.
Karabakh.Center informasiya resursu əvvəllər işğal olunmuş ərazilərdə zədələnmiş və tamamilə məhv edilmiş obyektlərin 10 mindən çox foto və videosunu, həmçinin Ermənistan-Azərbaycan münaqişəsinin səbəbləri və fəsadları haqqında tam məlumat təqdim etmək üçün yaradılmışdır.
[caption id="attachment_8326" align="alignnone" width="844"]
Foto Qarabağ Dirçəliş Fondunun rəsmi saytı[/caption]
[caption id="attachment_8324" align="alignnone" width="844"]
Foto Qarabağ Dirçəliş Fondunun rəsmi saytı[/caption]
[caption id="attachment_8323" align="alignnone" width="844"] Foto Qarabağ Dirçəliş Fondunun rəsmi saytı[/caption]
