Bakı Rus Evində xeyriyyə yarmarkası keçiriləcək. Bu haqda bu gün, 23 aprel tarixində Bakuplus.az icmaya istinadən xəbər verir.
Pasxa bayramı şənlikləri çərçivəsində Bakıdakı Rus Evində ənənəvi xeyriyyə məqsədli Pasxa bazarı açılacaq. Yarmarkada ustaların əl işlərindən ibarət hədiyyə və məhsullar təqdim olunacaq. Tədbirdən əldə ediləcək vəsait valideyn himayəsindən məhrum olmuş uşaqlara kömək üçün xərclənəcək.
Tədbir Rus Pravoslav Kilsəsinin Bakı və Azərbaycan Yeparxiyası, Rusiyalı Həmvətənlər Koordinasiya Şurası, Azərbaycanın Rus icması, Rus Mədəniyyət Mərkəzi və “Yaşlek” tatar gənclər mərkəzinin dəstəyi ilə təşkil olunur.
Yarmarka 27 aprel saat 12:00-18:00 arası keçiriləcək. Giriş sərbəstdir.
