Bakı sakinləri metronun “Memar Əcəmi” stansiyasının Cavadxan küçəsinə çıxışından narazıdırlar. Bu haqda bu gün, 31 oktyabr tarixində Bakuplus.az Bakı Gündəliyi Facebook səhifəsinə istinadən məlumat verir.
Sakinlərin sözlərinə görə, orada avtobus dayanacağı məntəqəsində pandus mövcüd deyil. Nəticədə həmin yoldan fiziki məhdudiyyətli şəxslər və uşaq arabası ilə olan sakinlər istifadə edə bilmirlər.
Həmçinin piyadalar üçün nəzərdə tutulan yollardan tez-tez avtomobillər istifadə edir. Bu ərazi həm dayanacaq, həm də bazar kimi istifadə olunur. Metrodan çıxan vətəndaşlar dərhal hərəkət edən nəqliyyat vasitələri ilə qarşılaşır. Satış məntəqələrinin, piştaxtaların və reklam lövhələrinin xaotik şəkildə yerləşdirilməsi daha çox piyada axınının qarşısını alır.
Daha öncə Bakuplus.az-a sözügedən ərazidə asfaltın keyfiyyətsiz olması ilə bağlı şikayətlər daxil olub. Belə ki, yağışdan sonra yaranan gölməçələr və palçıq piyadalar üçün ciddi çətinliklər yaradır.
[caption id="attachment_77177" align="alignnone" width="640"]
Foto Baki Gundeliyi Facebook səhifəsi[/caption]
