Bu gün, 1 sentyabr tarixindən Bakı sakinləri yeni məhdudiyyətlərlə qarşılaşacaqlar. Operativ Qərargahın yeni qərarına əsasən yaşı 18-dən yuxarı olan şəxslərdən iaşə obyektlərə, ticarət mərkəzlərə, mehmanxalara və digər ictimai yerlərə giriş üçün COVID-19 pasportu tələb olunacaq.
COVID-19 pasportunun yoxlanılması üçün “ASAN İcazə” mobil tətbiqi hazırlanıb.
Covid-19 pasportunun tələb olunacağı əsas yerlərin siyahısı:
- Universitetlər - sentyabrın 1-dən ali təhsil müəssisələrində tələbələrdən də COVID-19 pasportu tələb olunacaq. Universitetlərə pasportsuz girən tələbələr rəhbərlik tərəfindən cəzalandırılacaq, lakin məsuliyyətə cəlb olunmayacaq
- İri ticarət mərkəzləri
- Mehmanxanalar
- İaşə obyektləri
- DOST mərkəzləri
- Idman zalları
- Toy şənlikləri
Həmin qərarı tədbiq olunmadığı yerlər:
- Metropoliten daxil olmaqla ictimai nəqliyyat
- Supermarketlər və xırda ticarət obyektləri
- ASAN xidmət mərkəzləri
- Açıq havada işləyən restoranlar
Aşağıdakılar dəyişməz olaraq bağlı qalır:
- Həftəsonları ictimai nəqliyyat
- Teatrlar və kinoteatrlar
- Konsert zalları
Peyvənd olunmayan insanlar qeyd olunan obyektlərə daxil olarsa həmin şəxs yox, obyektin sahibi məsuliyyət daşıyır. Sanitariya-gigiyena qaydalarının və karantin rejiminin pozulmasına görə fiziki şəxslər 200 manatdan 400 manatadək, vəzifəli şəxslər isə 3000 manatdan 4000 manatadək cərimələnəcək.
Karantin rejimi ölkədə noyabrın 1-nə qədər uzadılıb.
