Paytaxtın Sabunçu rayonu, Bakıxanov qəsəbəsi, Mustafa Vəkilov küçəsində yağış suyu evlərin içinə axır. Bu haqda bu gün, 24 oktyabr tarixində Bakuplus.az ATV-yə istinadən xəbər verir.
62 yaşı olan binanın dam örtüyündə iri çatlar yaranıb. Bu da yağış yağan zaman suyun mənzillərin içərisinə axmağına səbəb olur. Sakinlərin sözlərinə görə, binanın əsaslı təmiri 2021-ci ildə nəzərdə tutulmuşdur, ancaq hələ də heç bir müdaxilə edilməyib.
3 saylı xüsusi təyinatlı Mənzil-Kommunal Təsərrüfat Birliyinin əməkdaşı Məzahir Hacıyev məsələ ilə bağlı bildirib ki, sözügedən bina qəzalı binalar siyahısında deyil, amma onun dam örtüyünün təmiri planlaşdırılır.
