Nizami Rayon Məhkəməsində xuliqanlıqda təqsirləndirilən Elşad Bəşirovun (şərti) cinayət işi üzrə məhkəmə istintaqı yekunlaşıb.
Pravda.az xəbər verir ki, hakim Nigar Qədirlinin sədrliyi ilə keçirilən prosesdə hökm oxunub.
Məhkəmənin hökmü ilə o, 3 ay müddətinə azadlıqdan məhrum edilib və məhkəmə iclas zalından həbs olunub.
İttihama görə, hadisə bu il Nizami rayonu ərazisində yerləşən “Vasmoy” adlı kafedə qeydə alınıb.
Belə ki, 1978-ci il təvəllüdlü Elşad Bəşirov sərxoş halda olarkən orada ofisiant işləyən zərərçəkmiş Aylin Quliyevaya (şərti) onunla birlikdə masada əyləşməsi təklifini edib. Lakin qızdan rədd cavabı alıb. Bu zaman təqsirləndirilən şəxs Aylinə qarşı zor tətbiq edib baş nahiyəsinə qəsdən bir dəfə yumruqla vurub.
Hadisədən sonra Elşad Bəşirov saxlanılıb və cinayət məsuliyyətinə cəlb edilib.
