Vəfat edən gənc “Azəriqaz” İB-nin keçmiş mətbuat katibi, hazırda qurumun Şikayətlərin araşdırılması şöbəsinin rəisi vəzifəsində çalışan İbrahim Kərbalıyevin oğludur.
Bu barədə qafqazinfo.az məlumat yayıb.
Məlumatda qeyd olunur ki, yüksək balla Azərbaycan Neft və Sənaye Universitetinin bakalavr və magistr pillələrini bitirən Murad da həmin qurumda çalışırmış.
Hadisənin hansı səbəbdən baş verməsi hələlik məlum deyil.
***
10:28
Bakıda intihar hadisəsi olub.
Lent.az xəbər verir ki, hadisə gecə saatlarında Xətai rayonu Məhəmməd Hadi küçəsində baş verib.
25 yaşlı Murad İbrahim oğlu Kərbalıyev 17 mərtəbəli binanın 17-ci mərtəbəsinin eyvanından özünü atıb. Gənc oğlan aldığı xəsarətlərdən hadisə yerində keçinib. İntiharın hansı səbəbdən baş verməsi məlum deyil.
Faktla bağlı Xətai rayon Prokurorluğunda araşdırma aparılır.
