Bakı Caz Festivalı gənc musiqiçilər üçün "I Am Jazzman" müsabiqəsi elan edib. Təşkilatçılar müsabiqə haqqında Facebook səhifəsində paylaşıblar. Müraciət üçün son tarix 29 avqustdur.
Müsabiqədə 14 yaşından 30 yaşınadək gənc musiqiçilər iştirak edə bilərlər. İfaçılarla müəllimlər məşğul olacaq. Müsabiqə iki mərhələdən ibarət olacaq - münsiflər heyəti iştirakçılara istiqamət verəcək, daha sonra onların çıxışını qiymətləndirəcəklər.
Qala konsert “Bakı Caz Festivalı” çərçivəsində sentyabrda baş tutacaq, orada müsabiqənin qalibləri məlum olacaq.
Qaliblər pul mükafatları ilə təltif olunacaqlar:
1-ci yer - 1000 manat
2-ci yer - 500 manat
3-cü yer - 300 manat
Müsabiqədə özünü sınamaq üçün onlayn ərizə forması doldurub və bakujazzcompetition@gmail.com e -poçt ünvanına yüksək keyfiyyətdə şəkil ilə birlikdə göndərmək lazımdır. Ərizəni Bakı, Nizami küçəsi 90A, Landmarkın 22 -ci mərtəbəsinə çatdırmaq da mümkündür.
