Azərbaycan Respulikası Qida Təhlükəsizliyi Agentliyi (AQTA) tərəfindən Bakı şəhəri, Nəsimi rayonunda fəaliyyət göstərən “Fayton” restoranında reyd keçirilib. Bu barədə avqustun 2-də agentliyin rəsmi saytında məlumat paylaşılıb.
Yoxlama zamanı müəssisənin qida təhlükəsizliyi qeydiyyatına alınmadan fəaliyyət göstərdiyi müəyyən olunub. Eyni zamanda işçilərin xüsusi geyimlə təmin edilmədiyi və istifadə müddəti bitmiş məhsulların olduğu aşkar olunub. Sadalanan nöqsanlarla bağlı tədbirlər görülüb.
Ötən həftəsonu DİN və AQTA nümayəndələri ölkə ərazisində 475 şadlıq sarayı və 165 həyətyanı sahədə keçirilən şənliklərin monitorinqini həyata keçirib. Nəticədə, 185 nəfər karantin qaydalarını pozduğuna görə cərimələnib.
