Bakıda səkinin tikinti şirkəti tərəfindən zəbt edilməsi ilə bağlı xəbər dərc edilmişdi. Həmin vaxt rayon icra hakimiyyətindən, eləcə də tikinti şirkətinin nümayəndəsi tərəfindən həmin səkinin bərpa edildiyi və avtomobil yolu kimi fəaliyyət göstərən hissəsinin bağlandığını açıqlamışdılar.
Avtosfer.az xəbər verir ki, bir neçə ay əvvəl Bakının Nəsimi rayonu Hənifə Ələsgərov küçəsi ilə Xan Şuşinski küçələrinin kəsişməsində yerləşən “Grand Plaza” şirkəti yeni tikilən binanın qarşısındakı səkini bütövlükdə kəsərək avtomobil yoluna çevirib. Məsələ ilə əlaqədar xəbər dərc edib aidiyyəti üzrə açıqlama aldıqdan sonra təşkil edilən yolda hərəkət dayandırılmışdı.
Bu gün isə həmin hissə yenidən fəaliyyət göstərməyə başlayıb. Plazanın aşağı mərtəbələrində obyektlər üçün ayrılan hissələr olduğu və həmin obyektlərə yaxınlaşmağı mümkün etmək üçün sahibkarın belə bir addım atdığı da şübhəsizdir.
Kameralar əks istiqamətə yönələrkən sahibkarların bu cür qanun pozuntularını təkrarlaması faktına isə dəfələrlə rast gəlirik. Sakinlər nəzarətsiz qalan bəzi küçə və prospektlərdə obyekt sahiblərinin özbaşınalıqlarına aidiyyəti qurumlar tərəfindən birdəfəlik son qoyulmasını xahiş edir.
Həmin ərazidə daha əvvəl çəkilən videonu təqdim edirik:
