Paytaxtın Sabunçu rayonu, Balaxanı qəsəbəsində yeni su anbarı inşa olunur. Bu haqda bu gün, 3 noyabr tarixində Bakuplus.az Azərsu ASC-yə istinadən xəbər verir.
Abşeron yarımadasında əhali sayının artması səbəbindən hazırda mövcud olan Ceyranbatan-Maştağa və Ceyranbatan-Zirə magistral su kəmərləri tələbatı qarşılamır. Bu səbəbdən əlavə su kəmərinin inşasına qərar verilib və “+118 Abşeron” su anbarından başlayaraq Qala qəsəbəsinədək yeni kəmər tikilir.
Layihə çərçivəsində yeni kəmər üzərində su anbarlarının inşası planlaşdırılır. Belə ki, hazırda Balaxanı qəsəbəsində 10.000 kub/metr olan anbarın tikintisi aparılır. Daha sonra həmin ərazidə daha 2 anbarın inşası nəzərdə tutulub.
Bununla da Abşeron yarımadasının şərq hissəsinin içməli su ilə təmin olunması yaxşılaşdırılacaq.
[URIS id=77668]
