Yəqin ki, bir çoxumuz “Bəxt üzüyü” filminə baxmışıq. Filmdə maraqlı məqamlar çoxdur.
Ancaq kadr arxasında çox az adamın bildiyi bir fakt var. Belə ki, "Bəxt üzüyü" filminin çəkilişləri zamanı Şüvəlan sakinlərindən biri yaradıcı heyətə təmənnasız kömək edir.
O, könüllü olaraq gah hansısa işi görür, gah da axşam aktrisalara gül gətirərdi. Belə olduqda rejissor Ramiz Əzizbəyli "səni də filmə çəkəcəyəm" deyib və vədinə əməl edərək, ona epizodik - qatıq satan rolunu verib. Lakin həmin şəxsin səsi yaxşı olmadığından Ramiz Əzizbəyli özü "Qatıq var, qatıq alan" deyə onun əvəzinə qışqırır.
