Binəqədi rayonu, Biləcəri qəsəbəsinin bəzi sakinləri bildirirlər ki, işlətmədikləri suya görə pul ödəyirlər. Bu haqda BakuPlus.az Xəzər Xəbər-ə istinadən bu gün, 1 noyabr tarixində xəbər verir.
"35 manat pul verib maşınla su alırıq. Sonra da gəlməyən suya görə sayğacın yazdığı məbləği ödəyirik. Axı bizim günahımız nədir?" - bu sualı Binəqədi rayonu, Biləcəri qəsəbəsi, 1 may məhəlləsi, Nihat Rzaxanov küçəsinin 200-dən çox sakini ünvanlayıb.
Onlar deyirlər ki, birdən təsadüfən su gələr deyə suyun kranını açıq saxlayırlar. Ancaq krandan su əvəzinə hava gəlir:
“Bizdə artq 1 aydır su yoxdur, heç 5 dəqiqə də olsun su vermirlər”, - deyə məhəllə sakini qeyd edib.
Suyun olmamasına bəzi evlərin hündür ərazidə yerləşməsi də təsir edir.
Məsələ ilə bağlı "Azərsu" ASC-nin sözçüsü Anar Cəbrayıllı kranı açarkən sudan əvvəl havanın gəlməsinin normal olduğunu deyib.
O bildirib ki, həmin ərazi birbaşa magistral su kəmərindən qrafik rejimlə su aldığına görə buraya fasiləsiz suyun verilməsi mümkünsüzdür. Çünki əraziyə ayrılan su magistral kəmərin təzyiqinə uyğun olaraq tənzimlənir.
[caption id="attachment_77263" align="alignnone" width="640"]
Foto Xəzər Xəbərin rəsmi Youtube kanalı[/caption]
