Bakıda abadlıq-quruculuq işləri aparılır. Bu haqda BakuPlus.az 18 fevral tarixində xəbər verir.
Sabunçu rayonu Bilgəh qəsəbəsində “Bakı Abadlıq” tərəfindən Azərbaycan qadını küçəsində yerləşən “1941-1945-ci illərdə İkinci Dünya müharibəsində həlak olmuş Bilgəh sakinlərinin şərəfinə ucaldılmış Abidə” kompleksində yenidənqurma və abadlıq işləri hal-hazırda davam etdirilir.
Ərazidə yeni növ həmişəyaşıl ağaclar əkilir, istismar müddəti bitmiş tikinti materialları yeniləri ilə əvəz olunur, yararsız vəziyyətdə olan hasar və səkilər təmamilə sökülərək, əvəzində yeniləri inşa edilir.
Aparılan abadlıq işləri çərçivəsində tarixi abidələrin bərpası, evlərin fasadlarının təmiri, kanalizasiya xətlərinin çəkilişi, küçələrin işıqlandırılması, piyada səkilərinin salınması, məişət tullantılarının toplanması, dekorativ kol və güllərin əkilməsi nəzərdə tutulub.i
Rayon ərazisindəki təmir işləri mərhələli şəkildə aparılır.
[URIS id=34012]
