Paytaxtın Binəqədi rayonunda ağacların kəsilməsiylə bağlı cinayət işi açılıb. Bu haqda Baş Prokurorluğun mətbuat xidməti bu gün, 31 avqust tarixində məlumat yayıb.
Bələdiyyənin icarəyə verilmiş inzibati ərazisində tikinti işləri zamanı sahədə olan ağac və kollar məhv edilib. Nəticədə dövlətə 9000 manat dəyərində ziyan dəyib. Bundan əlavə, şirkətin, ona ayrılan ərazidən əlavə sahəni də zəbt etdiyi aşkar edilib.
Faktla bağlı cinayət işi başlanıb.
Bundan əvvəl, 19 avqust tarixində Nizami rayonunda 14 müxtəlif cinsli ağacın qanunsuz kəsimi dayandırılmışdır.
