Ölkədə imtahanların vaxtı dəyişdirilib. Bu haqda bu gün, 29 aprel tarixində Bakuplus.az Dövlət İmtahan Mərkəzinə istinadən xəbər verir.
Mayın 12-də dövlət qulluğu ilə bağlı imtahan istisna olmaqla, 5 may və sonrakı tarixlərdə, eləcə də iyun, iyul və avqust aylarında keçiriləcək imtahanların saatları hava şəraiti ilə bağlı dəyişdirilib. Belə ki, havanın isti olması ilə əlaqər imtahanların vaxtları saat 10:00-a təyin edilib.
İmtahanların başlanmasına 15 dəqiqə qalmış – saat 09:45-də buraxılış rejimi başa çatır və bundan sonra gələnlər imtahan binasına buraxılmayacaqlar. İmtahan binasına müxtəlif daxilolma vaxtları müəyyən ediləcək və buraxılış vərəqəsində həmin vaxt göstəriləcək.
Hər hansı bir imtahan üçün buraxılış vərəqələri imtahandan 5-7 gün öncə DİM-in saytına yerləşdirilir.
Daha öncə imtahanlar 11:00-da başlayırdı.
