Bakı bulvarının yaxınlığında, İdman Sarayı və “Dəniz Mall” ərazisində vaxtilə olmuş piyada keçidi bir neçə aydır ki, ləğv olunsa da, insanlar indi də yolun həmin hissəsindən istifadə edirlər. Bu haqda bu gün, 23 oktyabr tarixində Bakuplus.az Avtosfer-ə istinadən məlumat verir.
Bir neçə il əvvəl sarayın qarşısında işıqfor quraşdırılmaqla nəqliyyatın hərəkəti tənzimlənirdi. Eyni zamanda piyadalar üçün nizamlanan keçid təşkil edilib. Lakin yaxınlıqda yeraltı piyada keçidi olduğundan asfalt üzərində salınmış piyada keçidi uğursuz hesab edilib.
Bu səbəbdən bu keçidi zolağı bir müddət sonra silinib və daha uyğun yerdə salınıb. Amma piyadalar həmişəki kimi hərəkətlərini silinmiş ərazidən davam etdirirlər. Bu da yolda nəqliyyatın hərəkətində gecikmələrə səbəb olur.
