Bu gün, 23 avqust Ekologiya və Təbii Sərvətlər Nazirliyi, Avropa İttifaqı (Aİ) və Birləşmiş Millətlər Təşkilatının İnkişaf Proqramı (BMTİP) “Gələcək Sənin Əlindədir” şüarı altında “Özün Yarat 2021” müsabiqəsinə start verib.
Müsabiqə adıçəkilən qurumların Şərq Tərəfdaşlığı regionunun 6 ölkəsində həyata keçirdiyi “EU4Climate” regional təşəbbüsünün bir hissəsi olaraq başladılıb.
Bir ay ərzində iştirakçılar tullantıları faydalı məhsullara çevirərək ətraf mühiti necə qoruduğunu göstərən video və şəkilləri “Özün Yarat” platformasına yükləyə biləcəklər. Məqsəd daha çox insanı adi halda atacağı məhsulları yenidən istifadəyə təşviq etməkdir.
Ən yaxşı 3 ideyanın müəllifi 1500, 1000 və 500 manat məbləğində mükafatlandırılacaq.
Əlavə məlumat və iştirak üçün linkə daxil olun: https://ozunyarat.az/
