Bakının “Qala” Dövlət Tarix-Etnoqrafiya Qoruğunda oktyabrın 21-də “Fantaziya” səyyar sirkinin çıxışı baş tutacaq. Bu haqda bu gün, 9 oktyabr tarixində Bakuplus.az məlumat verir.
Tamaşa Ukrayna, Moldova, Rusiya və Özbəkistandan olan sirk ustaları tərəfindən hazırlanıb. Proqram 90 dəqiqə davam edəcək. Sirk nömrələri arasında akrobatların, gimnastların, təlxək və jonqlyorların çıxışı, mono velosiped və sərbəst pilləkəndə müxtəlif hərəkətlər yer alacaq.
Tamaşadan sonra qonaqlar ətrafda piknik, yaxınlıqdakı restoranda sifariş edə və ya etnoqarifk muzeyi ziyarət edə bilərlər.
Biletlərin qiyməti uşaqlar və böyüklər üçün 10 manat təşkil edir. Muzeyə biletlərin qiymətləri uşaqlar üçün 0,5 manat, böyüklər üçün 3 manatdır.
Tamaşalar saat 12:00 və saat 15:00-da başlayır.
“Fantaziya” sirkinin tamaşaları dekabrın axırına kimi davam edəcək.
