Bakı məktəblərinə qeydiyyat üçün xüsusi mərkəzlər yaradılıb

Bakı məktəblərində alternativ qeydiyyat mərkəzləri yaradılıb. Bu haqda bu gün, 30 aprel tarixində Bakuplus.az Bakı şəhəri üzrə Təhsil İdarəsinə istinadən xəbər verir.

1-ci siniflərin elektron qeydiyyat prosesində valideynlərə kömək üçün Bakı Şəhəri üzrə Təhsil İdarəsinin tabeliyindəki məktəblərdə 27 alternativ qeydiyyat mərkəzi fəaliyyət göstərəcək.

www.mektebeqebul.edu.az sistemi vasitəsilə özü elektron qeydiyyatdan keçə bilməyən və ya internet resurslarına çıxış imkanı olmayan vətəndaşlar aidiyyəti ərazi üzrə fəaliyyət göstərən ən yaxın alternativ qeydiyyat mərkəzinə müraciət edə bilərlər.

Mərkəzlərin yerləşdikləri müəssisələr aşağıdakı kimidir:

• Xəzər rayonu – 88, 156, 234 nömrəli məktəblər;


• Xətai rayonu – 17, 165 nömrəli məktəblər;


• Nizami rayonu – 145, 10 nömrəli məktəblər;


• Nərimanov rayonu – 45 nömrəli məktəb;


• Binəqədi rayonu – 83, 217, 297 nömrəli məktəblər;


• Nəsimi rayonu – 19 nömrəli məktəb;


• Suraxanı rayonu – 279, 280, 154 nömrəli məktəblər;


• Qaradağ rayonu – 321, 253, 288, 110, 320, 180 nömrəli məktəblər;


• Sabunçu rayonu – 209, 108, 96 nömrəli məktəblər;


• Səbail rayonu –163 nömrəli məktəb;


• Yasamal rayonu – 18 nömrəli məktəb;


• Pirallahı rayonu – 168 nömrəli məktəb.

Həmçinin onlayn alternativ qeydiyyat mərkəzləri fəaliyyət göstərəcək. Valideynlər 050-996-76-63, 050-996-36-62 və 050-996-46-68 nömrələrinə WhatsApp vasitəsilə müraciət edə bilərlər.

Bundan əlavə, qeydiyyat prosesi ilə bağlı 5, 6 və 7 saylı “ASAN xidmət” mərkəzlərinin təhsil xidmətləri bölmələrinə, eləcə də şəxsi kabinetlərindəki “Əlaqə” bölməsi vasitəsilə də müraciət ünvanlamaq mümkündür.

1-ci siniflərə elektron qeydiyyat 1 may - 13 sentyabr tarixləri arası davam edəcək.