Bakı Şəhər İcra Hakimiyyətindən Bakuplus.az-a məsələ ilə bağlı aydınlıq gətirilib.
Qurumdan verilən məlumata görə, "Gold Məkan" MTK tərəfindən bildirilib ki, tikinti ərazisindəki sakinlərlə qarşılıqlı razılaşma əldə olunaraq müvəqqəti kirayə haqları ödənilməklə və yeni mənzillə təmin edilməklə köçürülmə işləri aparılıb:
"Adıçəkilən sakin isə şirkət tərəfindən təklif olunan şərtlərlə razılaşmadığı üçün belə bir hal baş verib. Hazırda həmin sakinlə qarşılıqlı razılıq əldə olunub".
***
13:45
Bakıda intihara cəhd edən qadın binanın damından düşürülüb.
Lent.az-ın əldə etdiyi məlumata görə, sökülməkdə olan binanın sakini Ülkər Abbasova kompensasiya ödənişi və əlavə istəkləri ilə bağlı dama çıxaraq intihara cəhd edib.
Əraziyə FHN və polis əməkdaşları gəlib.
FHN və polis əməkdaşlarının qadınla apardığı profilaktiki söhbət nəticəsində o, damdan düşürülüb. Onun izahatı alınıb.
Qeyd edək ki, həmin qadınla tikinti şirkəti arasında yaranan anlaşılmazlığa görə binanın söküntüsü dayandırılıb.
