“Koroğlu” metrosundan Buzovna qəsəbəsi istiqamətində hərəkət edən 107 saylı avtobusun sürücüsünün sərnişinlərdən əlavə pul tələb etdiyi deyilir. Bu haqda bu gün, 6 iyul tarxində Bakuplus.az Bizim.Media-ya istinadən məlumat verir.
Bildirilir ki, son qiymət artımından sonra gediş haqqı 70 qəpik müəyyənləşsə də, sürücü sərnişinlərdən 80 qəpik tələb edir. Buna səbəb avtobusda ödənişin nağd yolla edilməsidir. Bu qanunsuz yığım sərnişinlərin narazılığına səbəb olur.
Azərbaycan Yerüstü Nəqliyyat Agentliyinin (AYNA) sözçüsü Tural Orucov bildirib ki, məsələ ilə bağlı araşdırma aparılacaq:
“Belə hal müəyyən edilərsə, sürücü barədə tədbir görüləcək. Həmçinin daşıyıcıya tarifin düzgün tətbiqi və gediş haqqı barədə məlumatın sərnişinlərin görə biləcəkləri yerdə yerləşdirilməsi ilə bağlı tapşırıq verilib”.
