Bakıda Əl Oyunları sarayında oktyabrın 1-dən 10-na kimi Milli Kitab Satış Sərgisi keçiriləcək. Bu barədə "Qanun” Nəşrlər Evinin direktoru Şahbaz Xuduoğlu məlumat verib.
Xuduoğlunun sözlərinə görə, sözügedən sərgi Azərbaycanın ən böyük sərgisi kimi ad qazanacaq. Sərgidə 30% dən başlayan endirimlərlə 50.000-dən çox kitab satışa buraxılacaq. Tədbirdə tanınmış yazarlar, kitab kollektorları, bukinistlər iştirak edəcəklər. Həmçinin imza günləri, şeir saatı və müsiqili proqramlar keçiriləcək.
Sərgidə musiqiçilər öz CD-lərini, rəssamlar isə rəsmlərini sata biləcəklər.
