Hədə-qorxuya görə həbsdə olan Təranə Səmədovanın 14 yaşlı qızı "Səni axtarıram" verilişində iştirak edib. O, anası Təranə tərəfindən təhdid edildiyini deyib və lazım gələrsə, onun analıq hüququndan məhrum edilməsini istəyib. Bu haqda bu gün, 7 oktyabr tarixində Bakuplus.az ARB TV-yə istinadən məlumat verir.
"Anam həbs olunmazdan əvvəl narkotikə qurşandı. Daha sonra özünü itirdi. Artıq əvvəlki Təranə olmadı. İstəyərəm ki, o, müalicə alsın, düzəlsin və özünə gəlsin. Avqustda bacımın bir yaşı tamam oldu, onu ziyarətə getdik. Bu dövrlərdə onun anaya ehtiyacı var. İndi ona dövlət baxır. Mən Adeli də geri qaytarmaq istəyirəm.
Bu gün o məni də, hətta öz övladını belə təhdid edir. Lazımdırsa, anam analıq hüququndan məhrum edilsin. Əgər mən və bacım ağ günə çıxacağıqsa, bu, edilsin. O, özü özünə elədi, heç kim ona heç nə eləmədi. Onun seçimlərinə görə belə oldu”, – deyə onun böyük qızı açıqlama verib.
Təranə Səmədova “Hədə-qorxu ilə tələb etmə” maddəsi ilə ittiham olunaraq həbs edilib.
Onun böyük qızı – 14 yaşlı Suel müğənni Rəqsanə İsmayılovanın himayəsindədir, 1 yaşlı qızı Adel isə Bakının 1 saylı körpələr evinə yerləşdirilib.
