2021-2022-ci tədris ili üzrə məktəbəhazırlıq qruplarına qəbul avqustun 10-u saat 11:00-da başlayacaq. Məktəb seçimi isə avqusutun 12-si saat 11:00-dan sentyabrın 14-ə qədər olacaq. Bakıda qəbul prosesi ərazi prinsipi ilə aparılacaq. Qeydiyyat 5 yaşında olan uşaqlar üçün nəzərdə tutulub.
Bu il qəbul prosesi www.mektebeqebul.edu.az elektron portal vasitəsilə aparılacaq.
Təhsil Nazirliyi paytaxtda daimi qeydiyyatı olmayan vətəndaşların uşaqları üçün Bakı məktəblərində xüsusi qeydiyyat prinsipi təqdim edib. Qeyd olunur ki, ilk növbədə məktəbə yaxın ərazidə qeydiyyata alınan uşaqlar qəbul ediləcək. Yer çatışmadığı halda, yaşayış yerlərində qeydiyyatı olmayan uşaqların valideynlərinə başqa məktəblərdə vakant yerləri tövsiyə edəcəklər. Kirayə mənzillərdə yaşayanlar da uşaqlarını ərazi prinsipi tətbiq olunmayan hər hansı məktəbdə qeydiyyat keçə bilərlər.
Daha öncə, 2 avqustda, Bakının Nizami rayonunda yerləşən bağçalara elektron qəbul başlayıb. Gələcəkdə paytaxtın bütün rayonlarındakı bağçalara elektron qəbulun tətbiq edilməsi planlaşdırılır.
